داخلے

ادارہ کی بنیاد چونکہ دینی علوم کی تعلیم و تدریس کے لئے رکھی گئی ہے، اس لئے ادارہ میں انہی طلباء کو داخلہ دیا جاتا ہے جو دینی علوم پڑھنے کا ارادہ رکھتے ہوں۔
اس کے لئے ضروری ہے کہ داخلہ کا خواہشمند مناسب استعداد کا حامل ہو، اسی کو جانچنے کے لئے داخلہ میں امتحان بھی لازمی ہے اور اس کے علاوہ بھی شرائط رکھی جاتی ہیں۔

شعبہ حفظ:

شعبہ اسکول:

درس نظامی:

عمومی شرائط داخلہ:

• امیدوار ناظرہ قرآن پڑھ سکتا ہو۔
• امیدوار اردو بولنا، لکھنا اور پڑھنا جانتا ہو۔
• امیدوار کے پاس ب فارم یا شناختی کارڈ ہو۔
• امیدوار کے ساتھ اس کا سرپرست ہو۔
• سابقہ تعلیمی کوائف ہمراہ ہوں۔
• دو عدد حالیہ تصاویر ہوں۔

داخلہ کا طریقہ کار:

1. پہلے مرحلہ میں امیدوار مطلوبہ درجہ/جماعت میں اپنا اندراج کراتا ہے۔ یہ اندراج ایام داخلہ میں ادارہ میں حاضر ہو کر بھی کیا جاسکتا ہے یا ادارہ کی ویب سائٹ پر موجود آنلائن داخلہ فارم پر کرکے بھی کیا جا سکتا ہے۔ اندراج کرتے ساتھ ہی امیدوار کو تحریری امتحان کے لئے مقررہ دن بتادیا جاتا ہے۔
2. دوسرے مرحلہ میں مقررہ دن تحریری امتحان ہوتا ہے۔ تحریری امتحان میں منتخب طلباء کی فہرست لگا دی جاتی ہے۔
3. تیسرے مرحلہ میں منتخب طلباء کا تقریری امتحان ہوتا ہے۔ تقریری امتحان میں قرآن کریم کا جائزہ بھی شامل ہوتا ہے۔
4. تقریری امتحان کے بعد منتخب طلباء کی حتمی فہرست لگا دی جاتی ہے۔
5. منتخب طلباء داخلہ فارم کے ساتھ مطلوبہ ضروری کوائف مکمل کرکے دفتر میں جمع کراتے ہیں تو ان کا داخلہ مکمل ہو جاتا ہے اور انہیں دفتر کی طرف سے “اجازت نامہ” دے دیا جاتا ہے۔